Алматыда 300-ден астам оқушы әскери тақырыпта сурет салады

АЛМАТЫ. ҚазАқпарат - Алматыда Жеңіс күніне әрі ҚР Қорғаныс Күштерінің 25 жылдығына байланысты бірқатар қоғамдық ауқымды шаралар ұйымдастырылды, деп хабарлайды ҚазАқпарат тілшісі.

Атап айтқанда, 7-9 мамыр аралығында  әскери мектептердің, колледждер мен жоғары сыныптардың құрметті қарауылдары ҰОС-қа қатысушылар ескерткіштері жанында «Ескерткіш вахтасында» тұрады. Патриоттық акциялар қаланың 8 ауданында өтуде. Сонымен қатар, 7-9 мамыр аралығында Ә. Қастеев атындағы бейнелеу өнері және техникалық дизайн мектебінің қатысуымен 28-ші  гвардияшыл-панфиловшылар саябағында, Арбатта және ҚР Тұңғыш Президенті  саябағында әскери тақырыпта суретшілер  плэнері өтіп жатыр. Шараға барлығы 302 оқушы қатысып жатыр. Сондай-ақ, 9 мамырда екі үрлемелі оркестрлер Арбатта, 28-ші гвардияшыл- панфиловшылар саябағында, ҚР Тұңғыш Президенті  саябағында өнер көрсетеді, оған Жұбанов атындағы музыка мектебі мен Чайковский атындағы музкалық колледждің оркестрлері қатысады.

Сонымен қатар, екі маңызды шараның бірі - 9 мамырда өтеді. Таңғы сағат 10.00-де 28-ші гвардияшыл-панфиловшылар саябағындағы Мәңгілік алау алдындағы алаңда Даңқ мемориалына гүл шоқтарын қою рәсімі өтеді.

Салтанатты шараға ҰОС ардагерлері, құрметті қарауыл ротасы, әскери-үрлемелі оркестр және басқалары қатысады. Шара барысында қала тұрғындары қаза болғандарды  бір минут үнсіздікпен еске алады, бұдан соң құрметті қарауыл ротасының  мерекелік  шеруі өтеді және концерт болады.

 

Концерттік бағдарламаға «Поклонимся великим тем годам», «Священная война», «Жас қазақ», «Әлия», «Тальяночка», «Сағадат», «Смуглянка», «В землянке», «Ана туралы баллада» және басқа да композициялар енген. Сахнада ҚР Мемлекеттік үрлемелі оркестрі, Роза Рымбаева, Талғат Күзембаев, «ILCanto », «Арт-классик» квартеттері, Береке Еңкебаева, Алексей Тимофеев, Төлеген Рахимбаев және басқалары өнер көрсетеді.

9 мамырда  «Астана» алаңында кешкі сағат 20:00-ден  түнгі сағат 22:00-ге дейін «Тағзым!» атты мерекелік концерт көрсетіледі, онда Олег Татамировтың, Талғат Күзембаевтың, Игорь Благодарныйдың орындауындағы «Поклонимся», Алексей Тимофеевтің орындауындағы «Память», «ill-Canto» квартетінің орындауындағы «Тальяночка», Жанна Орынбасарованың орындауындағы «Катюша», Толқын Забированың орындауындағы «Ана туралы баллада» сынды әскери әндер айтылады. «Сағадат», «Темная ночь», «На безымянной высоте», «Кестелі орамал», «Соғыстан қайтқан солдаттар»  композициялары қойылады.

Сағат  22:00-де мерекелік салют болады.