Алматыда 40-қа жуық қарағай отырғызылды
АЛМАТЫ. Желтоқсанның 20-сы. ҚазАқпарат / Әділет Мұсахаев / - Бүгін Алматыдағы «Ақсай-2» ықшам ауданында қалалық әкімдік, табиғат ресурстары басқармасы өкілдерінің, Әуезов ауданы әкімі аппаратының қызметкерлері және аудан мектептерінің жас мұғалімдерінің қатысуымен ағаш отырғызу шарасы өткізілді,
деп хабарлайды ҚазАқпарат.
Көшеттерді отырғызу жұмыстары Төле би - Марғұлан және Момышұлы - Саин көшелерінің қиылысында жүргізілді. Аталған шараға 60-қа жуық адам қатысып, 40-қа жуық қарағай отырғызылды. Ағаш отырғызу рәсімнің негізгі мақсаты қаламыздың экологиясын жақсарту, көгалдандыру, сонымен қатар, өсіп келе жатқан жас ұрпаққа салауатты өмір салтын насихаттау.
