Алматыда "Абай оқулары" өтеді
АЛМАТЫ. 8 тамыз. ҚазАқпарат /Нәзира Елеухан/ - Алматыда 10 тамыз күні кешкі сағат 17.00-де Абай атындағы опера және балет театры алаңында "Абай оқулары" өтеді.
Дәстүрге айналған шараға ақын-жазушылар, зиялы қауым өкілдері, жастар мен мектеп оқушылары қатысады.
Шара барысында кітап саудасы ұйымдастырылып, арнайы дайындалған концерттік бағдарлама ұсынылатын болады.
Аталмыш шараның ұйымдастырушысы - Алматы қаласының Тілдерді дамыту басқармасы.
