Алматыда адамды қаққан көлік иесі көмекке ұмтыла бере өзі ажал құшты
АЛМАТЫ. ҚазАқпарат - Алматыда жаяу жүргіншіні қағып кеткен көлік иесі оған көмекке ұмтыла бере, өзі машина астында қалды, деп хабарлайды ҚазАқпарат тілшісі.
Жол апаты Қапшағай көпірінде болған.
28 жастағы «Нива» жүргізушісі тыйым салынған жерден жүгіріп шыққан адамды қағып кеткен. Жалма-жан жапа шеккен адамды қарауға шыққан жүргізушіні жүйіткіген Ланд Ровер қаққан. Алған жарақатынан жігіт сол жерде қаза болды.
Жапа шеккен жүргінші ауруханаға түсті.
