Алматыда ақылы автотұрақ қайта жұмыс істей бастады
АЛМАТЫ. ҚазАқпарат — Қалалық автотұрақ штаттық режимде жұмыс істей бастады. Төлем тарифке сәйкес алынады, деп хабарлайды деп хабарлайды ҚазАқпарат тілшісі.
«Қаладағы автотұрақтар әдеттегідей жұмыс істейді. Төлем тарифке сәйкес алынады. Олардың жұмысын мамандар қадағалайды. Төлемеген жағдайда айыппұл салынады», - делінген Алматы әкімдігі таратқан хабарламада.
Еске салайық, мегаполистің ақылы автотұрақтары қаланың коммуналдық меншігіне қайтарылған болатын.
Қазір оларды бірыңғай оператор – «Алматы автотұрағы» коммуналдық мемлекеттік кәсіпорны басқарады.
Бұған дейін Алматы әкімі Ерболат Досаев автотұрақ ақысы көтерілетіні туралы айтқан болатын.
Оның бағасы орналасқан ауданға байланысты болады.
