Алматыда алғаш гольф көрмесі өтеді
АЛМАТЫ. 3 желтоқсан. ҚазАқпарат /Әділет Мұсахаев/ - 15-16 желтоқсан күндері Алматыда тұңғыш рет EхpoGolfkz гольф-көрмесі өтеді. Оны Қазақстан гольф федерациясы мен «NURTAU» гольф академиясы және «Golf.kz» журналы ұйымдастыруда.
Шара барысында 2010 жылдың ең үздік гольфшілерін марапаттау рәсімі өтеді, сонымен қатар «Golfino» пен «Bogner» компанияларының спорттық модельдерінің көрсетілімі және гольф ойынына қажетті бұйымдардың сатылымы өтеді.
Көрменің негізгі мақсаты - жаңа ойыншыларды тарту және салауатты өмір салтын қолдау. Шара барысында барлық қатысушылар гольф-нұсқаушыларынан кеңес ала алады.
