Алматыда ардагерлер үшін көркем фильмдердің қайырымдылық көрсетілімі өтуде
АЛМАТЫ. Қаңтардың 30-ы. ҚазАқпарат /Сара Мұстафина/ - Алматыда «Иллюзион» кинотеатрында Ұлы Отан соғысы және еңбек ардагерлері үшін көркем фильмдердің қайырымдылық көрсетілімі өтуде. Бұл шараны «Киновидеоқамту» мемлекеттік қазыналық кәсіпорны мен қалалық мәдениет басқармасы ұйымдастырып отыр.
Қайырымдылық көрсетілім бағдарламасына үш фильм кіріп отыр, олар Сергей Эйзенштейннің «Иван Грозный» (1944 ж.) фильмі, Вера Сторожеваның «Аспан. Ұшақ. Қыз» (2002 ж.) туындысы және Павел Лунгиннің «Арал» (2006 ж.) фильмі, соңғы екеуі - ресейлік фильм.
Ал «Иван Грозный» кеңестік фильмінің кезінде, соғыс жылдары «Мосфильм» киносы Алматыға көшірілген жылдары түсірілгенін айта кету керек. Бұл шара Ұлы Жеңістің 65 жылдығына арналып отыр және наурыздың 20-сына дейін созылады.
Мұндай шара кейінірек басқа да кинотеатрларда өтетін болады.
