Алматыда Әубәкір Смайыловтың сурет көрмесі өтті
АЛМАТЫ. Қыркүйектің 17-сі. ҚазАқпарат /Әділет Мұсахаев/ - Бүгін Алматы қаласындағы Алатау және Алмалы аудандары әкімдіктерінің ұйымдастыруымен Әубәкір Смайловтың сурет көрмесі болды,
деп хабарлайды ҚазАқпарат.
Алдымен сөз алған Алатау ауданының әкімі Бағдат Сайлаубайұлы көрмеге келушілерді алдағы қала күнімен құттықтап, Алатау ауданының ашылғанына бір жыл толғанын атап өтті.
Көрмеде суретшінің туындыларымен қатар немерелерінің де шығармалары орын тапқан. Көрме барысында Алатау әкімдігіне суретшінің «Бақыттың жыры» атты шығармасы сыйлық ретінде табыс етілді.
