Алматыда әуеге көтерілген ұшақ көп ұзамай қайта қонды
АЛМАТЫ. ҚазАқпарат- Алматыда әуеге көтерілген ұшақ көп ұзамай қайта қонды, деп хабарлайды ҚазАқпарат тілшісі.
Өткен түнде алматылықтар әуеге көтеріліп, кері қайтқан ұшақты видеоға түсіріп алды.
Бейнежазба әлеуметтік желіде пайда болды.
Мән - жайды анықтау үшін «ҚазАқпарат» агенттігі Алматы халықаралық әуежайына ресми сауал жолдады.
«Алматы халықаралық әуежайына бұл оқиғаға қатысты әуе компанияларынан ресми ақпарат түскен жоқ», - деп жауап берді әуежайдың баспасөз қызметі.
Мәліметтер нақтылануда.
Бұған дейін Алматы халықаралық әуежайында «бомба» қойылғаны туралы ақпарат тараған болатын.
Осы жағдайға байланысты әуежайда 6 рейс кейінге шегерілді.
