Алматыда ауыр жүк көлігі өртке оранды
АЛМАТЫ. ҚазАқпарат - Алматыда жолда келе жатып, ауыр жүк көлігі өртке оранды. Бұл туралы ҚР ІІМ Төтенше жағдайлар жөніндегі комитетінің ресми өкілі Руслан Иманқұлов хабарлады.
«Оқиға бүгін күндізгі сағат 13:00-де Алматы қаласының Жетісу ауданында, Қапшағай көпірі маңында орын алды. Өрт MAN ауыр жүк көлігінің моторынан шыққан. Өрттің аумағы 0,7 шаршы метрді құрады. Зардап шеккендер жоқ. Өртті Алматы қалалық ТЖД Апаттық-құтқару қызметінің өрт сөндірушілері сөндірді. Барлығы тілсіз жауды жоюға жеке құрамнан 9 адам мен 2 техника жұмылдырылды», - деді Р. Иманқұлов.
