Алматыда бағдарға кондиционермен жабдықталған автобустар шығарылады

АЛМАТЫ. ҚазАқпарат - Алматыда кондиционері бар автобустар жүретін болды. Бұл туралы Алматы әкімдігінің Periscope желісіндегі аккаунтында онлайн трансляция кезінде мәлім болды.

«Дэу» маркілі жаңа автобустар №2 автопаркке беріледі. Көліктер Семей қаласындағы машина жасау зауытында жиналған.

«Қазіргі таңда газбен жүретін 10 автобус жеткізілді. 25-і шілдеде қалаға жетеді. Кейінірек қабылдау-тапсыру актілері жасалып, мемлекеттік нөмір беріледі. Аталған автобустарда мүмкіндігі шектеулі азаматтарға барлық жағдай жасалған. «Оңай» жүйесі енгізіледі», - делінген бейнетрансляцияда.

20 маусым-1 шілдеде ішкі маршруттар 35 автобуспен толықтырылады.