Алматыда бәйшешек гүлдеді

АЛМАТЫ. ҚазАқпарат – Бүгін, көктемнің алғашқы күнінде Алматының ботаникалық бағында бәйшешек гүлдеді, деп хабарлайды ҚазАқпарат тілшісі.

«Көктемнің алғашқы күнінде табиғат бізге тосын сый жасап, ботаникалық бақта бәйшешек гүлдеді. Ақ бүршіктері бар нәзік өсімдіктің пайда болуына байланысты қыс аяқталды деп, сенімді түрде айта аламыз. Сондай-ақ, ол жаңа өмірге деген үміт пен суықты жеңудің символы болып есептеледі», - делінген Ботаканикалық бақтың Іnstagram парақшасында.

Айта кетейік, бұл ерекше гүлдер Қызыл кітапқа енген.

«Сізден бәйшешекке қамқорлық жасауыңызды өтінеміз: көгалдарда жүрмеңіз, тіпті жұлмаңыз. Қызыл кітапқа енгізілген өсімдік түрлерінің жойылуы айыппұл салумен, тіпті 3 жылға дейін бас бостандығынан айырумен жазаланады», - деп жазды Ботаникалық бақ өкілдері.