Алматыда бес қабатты үй отқа оранды
АСТАНА. 20 мамыр. ҚазАқпарат - Алматы қаласының Түркісіб ауданында Алтай-2 ықшамауданындағы 5 қабатты тұрғын үйдің шатырында түнгі сағат 00.46-да от шыққан.
Бұл туралы ҚР ТЖМ баспасөз қызметінен хабарлады.
Жалын 02.37-де ауыздықталды. Оған ҚР ТЖМ Алматы облыстық ТЖД өрт сөндіру қызметінің 74 маманы мен 17 техникасы тартылды. 500 шаршы метр аумақты тілсіз жау жайпаған. Абырой болғанда тұрғындар дін аман. Қауіпсіз жерге 150 адам шығарылды.
