Алматыда бильярд ойнайтын орында болған өрт салдарынан ер адам уланды
АСТАНА. 18 қараша. ҚазАқпарат - Алматы қаласының Алатау ауданында «Әлем» кешенінің 2-қабатында бильярд ойнайтын орында өрт шықты.
Бұл туралы ҚР ТЖМ баспасөз қызметінен хабарлады.
Жалынды ауыздықтауға ҚР ТЖМ Алматы қаласы мен Алматы облысының өрт сөндіру қызметінің 4 техникасы мен жеке құрамның 22 адамы, ҚР ТЖМ «АМО» ММ 1 техникасы мен 4 адамы жұмылдырылды.
270 шаршы метр жер отқа оранды. Газға уланған 50 жастағы ер адам ауруханаға жеткізілді.
