Алматыда бильярдтан Қазақстан чемпионаты басталды
АЛМАТЫ. Ақпанның 2-сі. ҚазАқпарат /Әділет Мұсахаев/ - Бүгін Алматыда құрастырмалы пирамида бойынша бильярдтан Қазақстан чемпионаты өз жалауын көтерді,
деп хабарлайды ҚазАқпарат.
Ақпанның 5-іне дейін жалғасатын додалы бұл жарысқа еліміздің түкпір-түкпірінен 100-ден аса спортшы қатысуда. Бұл жарыстан іріктеліп, үздік шыққандар ақпанның 20-сы күні Алматыда өтетін әлем чемпионатына қатысады.
Атаулы сайысқа Әлихан Қаранеев, Әуез Елубаев, Эмиль Мударимов сияқты бильярдтың майталмандары қатысуда.
