Алматыда бірқатар көшелердің тұрғындары салқын сусыз қалды
АЛМАТЫ. ҚазАқпарат- Бүгін Алматы қаласының су желілерінде апаттық-қалпына келтіру жұмыстарының жүргізілуіне байланысты бірқатар көшелердің бойында орналасқан тұрғын үйлердің тұрғындары салқын сусыз қалды.
Бұл туралы бүгін «Алматы су» МКК баспасөз қызметі хабарлады.
Апаттық-қалпына келтіру жұмыстарының жүргізілуіне байланысты таңғы сағат 09:00-ден бастап, апаттық-қалпына келтіру жұмыстары толығымен аяқталғанша Қабанбай көшесінің бойында орналасқан №109 және 111-ші тұрғын үйлерде салқын су болмайды.
Сонымен қатар, Зверев көшесі бойында орналасқан тұрғын үйлерде де күндізгі сағат 13:00-ден бастап, қалпына келтіру жұмыстары аяқталғанша салқын су желіден уақытша ажыратылады.
