Алматыда бірқатар шағынауданда су болмайды

АЛМАТЫ. ҚазАқпарат - Алматыда бірқатар шағынаудан бір күнге суық судан ажыратылады. Бұл туралы «Алматы су» МКК баспасөз қызметі мәлім етті, деп хабарлайды ҚазАқпарат тілшісі.

Кәсіпорынның мәліметінше, сумен жабдықтау желілеріндегі жоспарлы жұмыстарға байланысты бірқатар шағынауданда суық су болмайды.

«30 мамыр күні сағат 9:00-ден 18:00-ге дейін»Орбита-1, 2, 3, 4«,»Таугүл - 1, 2«,»Мамыр-1, 4, 5, 6, 7«,»Алмас«,»Атамекен«,»Қуаныш«,»Достық«шағынаудандары мен М.Кәрім, Цветочная, Ықылас, Тойбастар, Тайбұрыл, Пролетарская көшелерінде орналасқан тұрғын үйлер мен ғимараттарға суық су беру уақытша шектеледі», - делінген хабарламада.