Алматыда цех өртке оранды

АЛМАТЫ. ҚазАқпарат - Алматыда Медеу ауданы «Сәтпаев көшесі, 5» мекенжайындағы цех өртке оранды, деп хабарлайды ҚазАқпарат тілшісі.

Қалалық ТЖД баспасөз хатшысы Сандуғаш Баймұхамбетованың айтуынша, өрт сөндірушілер оқиға орнына таңғы 5:58-де жеткен.

Белгілі болғандай, тілсіз жау метал шатыр мен ағаш тіреулерді шарпып  үлгерген. Соның кесірінен төбенің кейбір жері құлаған.

Жедел атқарылған жұмыстың арқасында өрт жапсарлас орналасқан ғимараттарға көшпеді.

Аумағы 750 шаршы метрді шарпыған қызыл жалын 07:13-те ауыздықталды.

Төтенше жағдайдан ешкім жапа шеккен жоқ.

Өрттің шығу себептері анықталып жатыр.