Алматыда дәстүрлі корпоративтік заңгерлер форумы өтеді
деп хабарлайды ҚазАқпарат.
Оны VIProMotion корпоративтік коммуникациялар агенттігі ұйымдастырып отыр. Дәстүрлі бұл шара - компанияларға өздерінің көкейкесті заңдық сауалдарын шешуге және мемлекеттік органдармен диалогта тұғырнама құруға ықпалдасуды көздейді. Форум сессиялары алғашқы күні «Нарықты дамытудағы негізгі ағымдар және 2009-2010 жылдардағы бизнес қауіптері", «Қазақстандағы M&A ағымдар», «Заңгерлер және кәсіпорындардың сыртқы экономикалық қызметі", «Банк, кредиторлар және кәсіпорындар қарым-қатынасындағы өзекті мәселелер. Қызығушылықтар балансын қалай қамтамасыз етуге болады?", «Монополияға қарсы саясаттың көкейкесті мәселелері" деген тақырыптармен өтеді. Ал келесі күні мәжіліс «Салықтық дауларды шешудің тәжірибелері мен өзекті мәселелері", "Коммерциялық келісім-шарттар және дауларды реттеу", "Халықаралық коммерциялық арбитраж бүгін: түсіндірмелер және арбитрлар тәжірибесі, жетекші заң фирмаларының өкілдері" деген тақырыптарда одан ары жалғасады. Бағдарламада сондай-ақ, шеберлік дәрістері мен "Үздік заңгерлер мен кеңесшілерді" марапаттау рәсімі бар.