Алматыда дзюдодан республикалық турнир басталды

АЛМАТЫ. 4 мамыр. ҚазАқпарат - Бүгін Алматыдағы «Достық» спорт кешенінде «ҚазМұнайГаз» ұлттық компаниясы» АҚ-ның жүлдесі үшін дзюдодан 1996-97 жылдары туған жасөспірім қыздар мен балалар арасындағы ІІ республикалық ашық турнир басталды.

Оған Қазақстаннан өзге көршілес Қырғызстан, Өзбекстан және Ресей елдерінен 200-ден астам балуан қатысуда.

Турнир жеңімпаздарының есімдері ертең ақтық сыннан кейін белгілі болады. Аталмыш бәсекеге Жәкен Жекенбаев бастаған қазылар алқасы төрелік жасауда.