Алматыда екі апта бұрын жоғалған Талдықорған тұрғынын белгісіз біреулер сабап кеткен
ТАЛДЫҚОРҒАН. ҚазАқпарат - Алматыдан Талдықорғандағы үйіне қайтпақ болып жоғалып кеткен ер адам табылды, - деп хабарлайды ҚазАқпарат тілшісі.
«Бойында жаны бар екен. Ұрып кетіпті. Сіздерге үлкен алғысымызды білдіреміз. Сіздер ақпарат шығарған соң, бізге хабарласты. Сол айтқан адрес бойынша бардық. Алматыдағы Әуезов ауданындағы Ақсай-1 шағынауданының маңынан жүз шақты адам іздеп жүріп, кеше таптық. Сабап кеткен. Маңдайынан соққы алған. Есінен айырылып, содан жүрген екен»,- деді жоғалған азаматтың туысы Еркін Бейсекей.
Естеріңізге сала кетейік, бұған дейін Есімбек Түркістанұлы шілденің 7-сі күні Алматыда жоғалып кеткенін хабарлаған болатынбыз.
