Алматыда екі троллейбустың бағыты өзгерді
АЛМАТЫ. ҚазАқпарат – Алматыда екі троллейбустың бағыты уақытша өзгерді, деп хабарлайды ҚазАқпарат тілшісі.
Алматы қалалық мобильділік басқармасының мәліметінше, жылу желілерін жөндеу жұмыстарынан Гагарин даңғылында жол жабындысының зақымдалуына байланысты 30 маусымнан бастап №1 және №9 троллейбустың бағыты уақытша өзгерді.
«Гагарин даңғылының Есқараев көшесінен Ходжанов көшесіне дейінгі бөлігінде №1 және №9 маршруттардың сызбасына уақытша өзгеріс енгізілді. Троллейбустар Тимирязев көшесінің батысымен – Розыбақиев көшесінің оңтүстік жағымен – Березовский көшеснің шығыс жағымен – Гагарин даңғылының солтүстік бөлігімен, одан әрі маршрут бойынша жүреді», - делінген хабарламада.
Бұған дейін жол жөндеу жұмыстарына байланысты Абай даңғылында көлік қозғалысы уақытша шектелетіні туралы жазған болатынбыз.
