Алматыда экономиканың түйткілді мәселелерінің БАҚ-та көрініс табуына арналған дөңгелек үстел өтеді
АЛМАТЫ. Қаңтардың 24-і. ҚазАқпарат /Ерлік Ержанұлы/ - Алматыда қаңтардың 29-ында «Қазақстанның бұқаралық ақпарат құралдарындағы қазіргі заманғы экономика мәселелері» деп аталатын дөңгелек үстел жиыны өтеді,
деп хабарлайды ҚазАқпарат. Оны «Тұран» университеті ұйымдастырып отыр. Бұл отырысқа түрлі деңгейдегі жоғары оқу орындарының оқытушы-ғалымдары мен мерзімді басылымдардың, ақпарат агенттіктерінің, телеарналар мен радиолардың және зерттеу орталықтарының басшылары мен жетекші мамандары қатысады. Басқосуда қоғамдағы әлеуметтік-экономикалық тұрақтылықты айқындайтын экономиканың әртүрлі салаларындағы мәселелердің БАҚ-та көрініс табуы талқыға салынады. Сондай-ақ қоғамдық пікірді қалыптастырудың жай-күйі мен сараптамалық материалдарға баға беру және әлемдік экономикалық үрдістерді түсіндірудегі БАҚ-тың рөлі жан-жақты сөз болады деп жоспарланып отыр.
