Алматыда «ЕҚЫҰ және Орталық Азия елдеріндегі демократияландыру үдерістері» атты халықаралық конференция өтеді
АСТАНА. Мамырдың 25-і. ҚазАқпарат /Ернұр Ақанбай/ - Мамырдың 28-де Алматыда Қазақстанның ЕҚЫҰ-ға алдағы төрағалығына дайындығы аясында «ЕҚЫҰ және Орталық Азия елдеріндегі демократияландыру үдерістері» атты халықаралық ғылыми-тәжірибелік конференция өтеді.
Бұл туралы бүгін Астанадағы апталық брифингте ҚР Сыртқы істер министрлігінің ресми өкілі Ержан Ашықбаев мәлім етті, деп хабарлайды ҚазАқпарат. Оның айтуынша, бұл іс-шараға ҚР Парламентінің депутаттары, Омбудсмен өкілдері, біздің еліміздің мемлекеттік органдарының, Орталық Азияның талдау орталықтарының, дипломатиялық корпустың, ЕҚЫҰ және үкіметтік емес ұйымдардың өкілдері қатысатын болады.
