Алматыда Елбасы Жолдауының іске асырылуы бойынша республикалық ақпараттық-насихаттық топ мүшелерінің кезекті кездесуі өтеді
АЛМАТЫ. Қыркүйектің 23-і. ҚазАқпарат - Алматыда қыркүйектің 24-і мен 25-і аралығында Елбасының «Дағдарыс арқылы жаңару мен дамуға» атты Қазақстан халқына Жолдауының іске асырылуы бойынша республикалық ақпараттық-насихаттық топ мүшелерінің Әуезов аудандық активімен кезекті кездесуі өтеді,
деп хабарлайды аудандық әкімдік баспасөз қызметі.
Топ құрамында - Еңбек және халықты әлеуметтік қорғау вице-министрі Б.Нұрымбетов, Ішкі істер вице-министрі А.Әубәкіров және Қазақстан жастар медиаодағының президенті С.Ғалиева бар.
Республикалық ақпараттық-насихаттық топ мүшелері қалалық №1 клиникалық аурухананың, №4 кәсіптік лицейдің, «Ақсай» нан-тоқаш комбинаты» ЖШС-ның, Алматы экономика және статистика академиясының және Әуезов аудандық ішкі істер басқармасының ұжымдарымен кездесулер өткізеді.
Әуезов ауданы - Алматы қаласындағы ірі және халық тығыз қоныстанған аудан.
