Алматыда «Энергияны үнемдеу - болашаққа құйылған инвестиция» атты ең үздік жарнамалық туындылар арасында байқау өткізіледі

АЛМАТЫ. Тамыздың 12-сі. ҚазАқпарат - Қыркүйектің 1-і мен қазанның 31-і аралығында «АлматыЭнергоӨнім» компаниясы Алматы қаласы әкімдігінің қолдауымен «Энергияны үнемдеу - болашаққа құйылған инвестиция» атты ең үздік жарнамалық туындылар арасында байқау өткізеді.

Байқауға кәсіби дизайнерлер, Алматы қаласы және Алматы облысының қарапайым энергия тұтынушылары, жергілікті оқушылар қатыса алады.

Қатысушылардың жұмыстары үш аталым бойынша, атап айтқанда «Оқушылар арасындағы ең үздік жарнамалық туынды»; «Кәсіпқойлар арасындағы ең үздік жарнамалық туынды»; «Тұтынушылар арасындағы ең үздік жарнамалық туынды» аталымдары бойынша бағаланатын болады. Әрбір аталым үш жүлделі орынға бөлінеді.