Алматыда ер адам пойыздың астына түсіп мерт болды
АЛМАТЫ. ҚазАқпарат - Алматыда ер адам пойыздың астына түсіп мерт болды. Бұл туралы Семиреченск көлік прокуратурасынан хабарланды.
«Таңертең Медеу-Алматы темір жолында Новосібір-Алматы бағытындағы №301 жолаушылар пойызы жедел тежегішті қосуға мәжбүр болды. Анықталғандай, пойыз өз жолында 40-45 жастар шамасындағы ер адамды қағып кетті. Ауыр жарақаттан ер адам сол жерде қаза болды», - деді прокуратура өкілдері.
Құзырлы органдар оның кім екендігін анықтап жатыр. Төтенше жағдайдың салдарынан пойыз 25 минутқа бөгелді.
Аталған дерек полиция қызметкерлері тарапынан тергеуге алынды.
