Алматыда еуразиялық ықпалдастықты дамытудың мәселелері мен келешегі туралы халықаралық конференция өтіп жатыр
МАТЫ. 13 қазан. ҚазАқпарат /Ерлік Ержанұлы/ - Біз Кедендік одақты құруды айтарлықтай ілгері жылжытып, бірыңғай кедендік территорияны қалыптастыруды аяқтадық. Оны Кедендік одақ комиссиясының Жауапты хатшысы Сергей Глазьев бүгін Алматыда өтіп жатқан «Кедендік одақ және ЕурАзЭҚ Бірыңғай экономикалық кеңістігі: ары қарай ықпалдасудың келешегі» деп аталатын VI Халықаралық конференцияда айтты.
«2012 жылы 1 қаңтардан бастап Бірыңғай экономикалық кеңістік бойынша келісімдер топтамасы іске қосылады. Сонымен бірге бірқатар күрделі мәселелер туындайды. Атап айтқанда, жалпы капитал нарығын реттеуде валюталық реттеу мен банк жүйесінің ашықтығына қатысты көптеген сауалдар әлі ашық тұр», - дейді С.Глазьев.
Оның айтуынша, бұл конферецияда олардың көпшілігі талқыланып, идеялар айтылып, ұсыныстар жасалады. Оған Еуразия даму банкінің мүше-елдерінің мемлекеттік басқару органдарының жетекшілері, ЕурАзЭҚ пен ТМД мемлекеттерінің сарапшылары мен ғалымдары қатысуда.
