Алматыда газ құбырында төтенше жағдай болды, үш адам зардап шекті

АСТАНА. 16 наурыз. ҚазАқпарат - 15 наурыз күні сағат 15.33-те Алматы қаласының Алатау ауданында диаметрі 219 мм газ құбыры магистральді желісінде

ауа-газ қоспасын шығару бойынша жоспарлы жұмыстарды жүргізу барысында төтенше жағдай орын алды.

ҚР ТЖМ-нің баспасөз қызметінен хабарланғандай, ауа-газ қоспасының кенеттен жарылысынан «Жобалау құрылыс газ» ЖШС-нің екі жұмысшысы мен сол жерден өтіп бара жатқан 21 жастағы жігіт түрлі дәрежедегі күйік жарақаттарын алды. Өрт болған жоқ.

Оқиға орнына ҚР ТЖМ Алматы қаласы бойынша ТЖД өртке қарсы қызметінің 7 адамы мен 3 техникасы жұмылдырылды.