15:45, 31 Қаңтар 2009 | GMT +5
Алматыда «Халық қаһарманы» Бақытжан Ертаевқа құрмет көрсетілді
АЛМАТЫ. Қаңтардың 31-і. ҚазАқпарат /Ернар Бекен/ – Бүгін Алматыда ҚР Қорғаныс министрлігі штаб басшылары комитеті төрағасының орынбасары, «Халық қаһарманы», генерал-лейтенант Бақытжан Ертаевқа құрмет көрсету рәсімі өтті,

деп хабарлайды ҚазАқпарат.
Салтанатты жиынға әскери басшылар, Құрлық әскерлері институтының профессорлық-оқытушылар құрамы, курсанттары қатысты. ҚР Қарулы Күштерінің құрылуы мен даму тарихы генерал-лейтенант Б. Ертаевтың есімімен тығыз байланысты. Ауғанстан соғысы ардагерлер ұйымдары қауымдастығын басқара отырып, Б. Ертаев жастарды әскери-патриоттық тәрбиелеу бойынша үлкен жұмыстар атқарды.
Бұған дейін хабарланғандай, Тәуелсіздік күні қарсаңында Елбасы оған ең мәртебелі мемлекеттік награданы ? «Халық қаһарманы» атағын берген болатын.