Алматыда иіс тиіп уланған 5 адам ауруханаға жеткізілді, оның ішінде үш бала бар - ҚР ТЖМ
АСТАНА. 5 қаңтар. ҚазАқпарат - Алматыда иіс тиіп уланған 5 адам ауруханаға жеткізілді, оның ішінде үш бала бар,
деп хабарлайды ҚР ТЖМ баспасөз қызметі.
«Қатты отынмен жылытылатын пештің ақауының нәтижесінде 5 адам көмірқышқыл газына уланып, ауруханаға жеткізілді. Оның ішінде 10, 8 және 7 жасар үш бала бар», - делінген ТЖМ таратқан ақпаратта.
Төтенше оқиға Медеу ауданының «Думан» ықшам ауданындағы жеке меншік тұрғын үйде болды.
