Алматыда инкассатор көлігі автобусқа соғылды
АЛМАТЫ. ҚазАқпарат- Алматыда автобус инкассатор көлігіне соғылды, деп хабарлайды ҚазАқпарат тілшісі. Оның видеосы әлеуметтік желіде тарады.
Алматы қалалық Полиция департаментінің мәліметінше, жол апаты 25 желтоқсан күні таңғы сағат 7:40 шамасында Абай даңғылының бойында болған.
«ГАЗ маркалы автокөліктің 40 жастағы жүргізушісі Абай даңғылында, №141-үйге қарама-қарсы оңтүстік бағытта артқа бұрылып, Абай даңғылымен батыс бағытта жүріп келе жатқан Golden Dragon автобусымен соқтығысқан. Оқиға салдарынан ГАЗ көлігінің жүргізушісі зардап шекті. Ол ауруханаға жатқызылған жоқ», - деді Алматы Полиция департаментінің ресми өкілі Салтанат Әзірбек.
Қазір бұл деректі аумақтық жағынан Алмалы ауданының полиция қызметкерлері анықтап жатыр.
Видеодан алынған кадр
