Алматыда қалалық «Орхан» ЖШС сумен жабдықтау кәсіпорнына қатысты қылмыстық іс қозғалды – Досаев
АЛМАТЫ. ҚазАқпарат- Алматы әкімі Ерболат Досаев Бостандық ауданының тұрғындарымен кездесуінде ауданның өзекті мәселелерінің бірі – ықшамауданды жарық және сумен қамтамасыз ету қызметтерінің сапасыз екенін айтты, деп хабарлайды ҚазАқпарат тілшісі.
Ерболат Досаевтың айтуынша, «Ерменсай» ЖШС, қалалық сумен жабдықтау кәсіпорны «Водснаб» деп аталады. Бұрын бұл кәсіпорын «Орхан» ЖШС деп аталды. 20 маусымда Бостандық аудандық полиция басқармасы кәсіпорынның заңсыз әрекеті фактісі бойынша қылмыстық іс тіркеді.
«Ол өз атауын жиі өзгертеді. Осы жылдың наурыз айында жүргізілген тексерулердің нәтижесінде табиғи монополияларды реттеу комитетінің департаменті осы кәсіпорынның қызметінде бұзушылықтарды анықтады. Тиісінше 120 млн теңге көлемінде айыппұл салынды»,- деді ол.
Ерболат Досаев әкімдік жүргізген келіссөздерден кейін 26 маусымнан бастап 4,4 шақырым әуе электр желісін қала балансына беру жұмыстары жүргізіліп жатқанын атап өтті. Аяқтау 2023 жылдың тамызына жоспарланған.
Жоғарыда аталған аумақта су тапшылығы бірнеше жылдан бері жалғасып келеді. Ерболат Досаевтың келуімен Алматы әкімдігі «Орхан» ЖШС-не қатысты сот ісін қайта бастау туралы бастама көтерді. Бірақ инженерлік коммуникацияларды қала балансына өтеусіз беру ісі әлі де жалғасуда.
Табиғи монополиялар туралы Заңның 11-бабының 6-тармағында жазылған құқықты пайдалана отырып, Кәсіпорын тіркеу орнын Алматыдан Алматы облысы мен Астанаға тұрақты түрде өзгертеді. Осылайша, «Орхан» ЖШС бақылау және құқық қорғау органдарымен өзара іс-қимылдан қашады.
