Алматыда қаңтар оқиғасы кезінде ұрланған оқ-дәрілер табылды
АЛМАТЫ. ҚазАқпарат - Алматылық көлік полицейлері қаңтар оқиғасы кезінде ұрланған оқ-дәрілерді тапты, деп хабарлайды ҚазАқпарат.
Облыстық көліктегі полиция департаментінің бастығы Оңал Бекеевтің айтуынша, биылғы 13 сәуірде жедел ақпаратты тексеру кезінде Еңбекшіқазақ ауданы Бәйтерек ауылының маңынан 5,45 мм калибрлі 59 патрон мен 1 граната табылып, тәркіленді. Бұларды Алматы қаласындағы қаңтар айындағы тәртіпсіздік кезінде қаскүнемдер ұрлап кеткен
«Аталған факті бойынша Қылмыстық кодекстің 287-бабы (оқ-дәрілерді заңсыз сақтау) бойынша сотқа дейінгі тергеу жүргізілуде», - деп атап өтті полиция генерал-майоры.
