Алматыда каршеринг көлігі аударылып қалды
АЛМАТЫ. ҚазАқпарат – Алматыда каршеринг көлігі аударылып қалды, деп хабарлайды ҚазАқпарат тілшісі.
Жол апатының видеосы әлеуметтік желіде тарады.
Алматы қалалық Полиция департаментінің мәліметінше, апат 9 қыркүйек күні түскі сағат 14:10 шамасында әл-Фараби даңғылында болған.
«Volkswagen Polo» көлігінің 24 жастағы жүргізушісі әл-Фараби даңғылымен шығыс бағытта келе жатып рульге ие бола алмай «Қазақфильм» ғимаратының маңында ағашқа соғылып, аударылып қалды», - деп түсіндірді полициядағылар.
Жол-көлік апаты салдарынан автокөлік жүргізушісі жарақат алды, оны жедел жәрдем бригадасы сол жерде тексерді.
