Алматыда «Қарттар күніне» арналған қайырымдылық шара өтті
АЛМАТЫ. 20 қазан. ҚазАқпарат /Нәзира Елеухан/ - Алматыда «Қарттар күніне» арналған қайырымдылық шара болып өтті.
Әуезов ауданы әкімі аппаратының ұйымдастыруымен өткізілген шара барысында ауданда тұратын жалғыз басты және жалғызілікті 200 зейнеткерге, әлеуметтік қамсыздандыру мақсатында арнайы азық-түлік пакеттері берілді.
Бұл шарамен қатар, бүгін Түркістан Ислам мәдениет орталығында «Қарттар және мүгедектер айлығы» аясында, ауданның 50 зейнеткері мен 50-ден аса мүмкіндіктері шектеулі жандарға арнайы дастарқан жайылды.
