Алматыда қатерлі ісікті тегін анықтайтын шара өтеді
АЛМАТЫ. ҚазАқпарат - 4-8 сәуір аралығында Қазақстанның өңірлік онкологиялық ұйымдарында колоректальды қатерлі ісіктің алдын алу және ерте диагностикалау бойынша ашық есік күні өтеді, деп хабарлайды ҚазАқпарат тілшісі.
Қазақ онкология және радиология ғылыми-зерттеу институты баспасөз қызметінің мәліметінше, денсаулық апталығы шеңберінде 2022 жылғы 4-8 сәуір аралығында Қазақстанның онкологиялық мекемелерінде колоректалдық қатерлі ісік (тоқ ішек обыры) бойынша онкологтарды тегін қабылдау жүргізеді.
Консультациялық қабылдау уақыты-14.00-ден 17.00-ге дейінгі аралықта жүзеге асырылады.
«МСАК ұйымдарының онкологтары «Жасыл дәліз» бойынша жұмыс сағаттарында тексеру кабинетінде немесе жалпы практика дәрігерінің қабылдауында анықталған онкопатологияға күдікті пациенттерді қабылдауды тұрақты негізде жүзеге асырады.
Сондай-ақ, кез-келген күні емханаларда МӘМС шеңберінде әрбір жасы келген адам келесі тегін онкоскринингтерден өте алады:
1. колоректальды қатерлі ісік ауруына (50-70 жасындағы ерлер мен әйелдер);
2. Сүт безі обырына скрининг (40-70 жасындағы әйелдер)
3. Жатыр мойны обырына скрининг (30-70 жасындағы әйелдер).
