Алматыда қазақ хандары мен зиялы қауымның хаттары қойылған көрме ашылады

деп хабарлайды ҚазАқпарат.

Көрмеге мұражай қорындағы араб, латын және кирилл қаріптерінде жазылған әр түрлі хаттар, ХІІІ-ХІV ғасырлардағы Алтын Орда хандары - Тоқтамыс пен Темір Құтылықтың, XVIII-XIX ғасырлардағы қазақ хандары мен сұлтандары Абылай, Әбілпейіз, Кенесары хандардың тарихи хат-құжаттарының көшірме нұсқалары қойылады. Тұңғыш рет көрмеге қазақтың зиялы тұлғалары А.Құнанбаевтың, Ш.Уәлихановтың, Ә.Х.Марғұланның, М.Әуезовтың хаттары қойылатын болады. Сонымен қатар, Кеңес одағы кезінде әр түрлі мазмұнда жазылған хаттар да қойылады. Сондай-ақ, экспозицияда көрменің тақырыбын айқындайтын байланыс құралдары, Морзе аппараты, жазу машинкасы және тағы да басқа экспонаттар қойылып, интерактивті әдіс қолданылады.

«Көрменің негізгі мақсаты - көне дәуірден бері жазу арқылы іске асып келген дәстүрлі хат-хабар алмасудың әдістерін, түрлерін, механизмдерін қазіргі таңдағы байланыстың басқа да құралдарымен сабақтастыра көрсету», дейді көрмені ұйымдастырушылар.