13:01, 24 Қараша 2011 | GMT +5
Алматыда қазақстандық үлесті дамыту мәселелеріне арналған «Мемлекеттік тапсырыс-2012» кеңесі болып өтті
АСТАНА. 24 қараша. ҚазАқпарат /Айдар Оспаналиев/ - «Бүгін Алматыда мемлекеттік органдар, жүйеқұраушы кәсіпорындар мен ұлттық компаниялардың,

отандық тауар өндірушілер мен шағын және орта бизнес өкілдерінің қатысуымен қазақстандық үлесті дамыту мәселелері жөніндегі «Мемлекеттік тапсырыс-2012» кеңесі болып өтті», -деп хабарлайды «ҚазМұнайГаз» ұлттық компаниясының баспасөз қызметі.
«ҚазМұнайГаз» компаниясының сервистік жобалар жөніндегі басқарушы директоры Мағзұм Мырзағалиев ағымдағы жылы Алматы қаласы және Алматы облысының кәсіпорындары мен «ҚазМұнайГаз» компания тобының қазақстандық үлесті дамыту және өзара қарым-қатынас туралы жұмыс қорытындылары жөнінде хабарлады. Ағымдағы жылы «ҚазМұнайГаз» компаниясы аймақтардың кәсіпорындарынан 68,2 миллиард теңгеге тауарлар алып, 57,3 миллиард теңгеге жұмыстар жүргізіп, 34,4 миллиард теңгеге қызметтер сатып алды.