Алматыда қоғамдық көлік кешкі тоғызға дейін ғана жүретін болды
АЛМАТЫ. ҚазАқпарат – Алматыда қоғамдық көлік 21:00-ге дейін қатынайтын болады. Бұл туралы қалалық әкімдіктің баспасөз қызметі таратқан хабарламада айтылды, деп хабарлайды ҚазАқпарат тілшісі.
«Қаладағы жолаушылар ағынын талдау нәтижесінде қоғамдық көлікте жолаушылар ағыны 70% азайғаны байқалған. Соған байланысты Алматыда төтенше жағдай режімін қамтамасыз ету бойынша жедел әрекет ету штабы қалалық маршруттардың уақытын қысқартуды ұйғарды. Енді 24 наурыздан бастап қаладағы автобустар кешкі 21:00-ге дейін қатынайтын болады», - деді баспасөз қызметінен.
Ал қалааралық және қала сыртындағы маршруттар жұмысын тоқтатты.
