Алматыда көлік тұрақтарының санатына қарай жерге салынатын салық мөлшерлемесі ұлғайтылмақ
АЛМАТЫ. 29 ақпан. ҚазАқпарат - Бүгін Алматыда 5-сайланған қалалық мәслихаттың 3-сессиясында «Автотұрақтар үшін бөлінген жерлерге салынатын базалық салық мөлшерлемесінің кейбір мәселелері туралы» шешім қабылданды.
Онда арнайы баяндама жасаған Жер қатынастары басқармасының бастығы Қуанышбек Қашықбаев бірнеше ұсыныстар жасады. Олар: Саланы ынталандыру және автокөлік қою мәселесін шешу үшін автомобиль қоятын орындарды қарастыратын күрделі құрылыс нысандарын салу мөлшерлемесін ең төменгі деңгейде (2 есе) ұлғайту. Алматы қаласында автотұрақтарды 4 санатқа бөлу және әр санатқа арналған салық салу мөлшерлемесін белгілеу. Атап айтқанда, қызметтік көліктер және айып автотұрақтары, сондай-ақ әлеуметтік жағдайы төмен топтарға арналған автотұрақтарды 1-санатқа жатқызу және базалық мөлшерлемені ұлғайту. Жобалау құжаттамасымен жерасты деңгейінде орналасқан немесе көзделген және осындай ғимараттардың ажырамас құрамдас бөлігі болып табылатын автотұрақтар үшн бөлінген жерлер. Сондай-ақ автомобиль қоятын орындарды немесе көпярусты автотұрақтарды қарастыратын күрделі құрылыстарды 2-санатқа жатқызу және елді мекен жерлеріне арналған базалық мөлшерлеме бойынша 2 еселенген салық салу. Автомобильдері бар ардагерлер мен зейнеткерлердің жерүсті автотұрақтарына салынатын салық мөлшерлемесінің ұлғаюына қатысты пікірлерін ескере отырып, оларды 3-санатқа жатқызу және базалық салық мөлшерлемесін 5 есе ұлғайту. Ал 4-санатқа тәулік бойы бір орынға бірнеше көлік қойылатын және сағаттық немесе тәуліктік тариф қолданатын автотұрақтарды жатқызу және базалық салық мөлшерлемесін 10 есе ұлғайту.
