Алматыда көпірден құлаған қызды көлік қағып кетті

АЛМАТЫ. ҚазАқпарат - Алматыда жас қыз жаяу жүргіншілерге арналған көпірден құлаған. Жерде жатқан бойжеткенді көлік қағып кетті, деп хабарлайды ҚазАқпарат тілшісі.

Бұл оқиға бүгін түскі сағат 13:00 шамасында Алтын Орда базары маңында болған.

Қалалық полиция қызметкерлері қыздың өзі секіріп кеткенін, я болмаса абайсызда құлап кеткенін тексеріп жатыр.

«Бұл дерек бойынша тексеру жүруде. Оқиғаның мән-жайы анықталып жатыр», - деді қалалық ІІД баспасөз қызметінің жетекшісі Салтанат Әзірбек.

Бойжеткен тірі қалған. Оны ауруханаға ауыр жағдайда жедел жәрдем алып кетті.