Алматыда көпірден құлаған жігіт өлім аузында жатыр

АЛМАТЫ. ҚазАқпарат - Көпірден құлаған жігіт өте ауыр жағдайда ауруханада жатыр, деп хабарлайды ҚазАқпарат тілшісі.

Дәрігерлер оның өмірі үшін күресіп жатыр. Қазір науқас №7 аурухананың жансақтау бөлімінде 2-дәрежелі комада жатыр.

Түскен кезде аурухананың мультидисциплинарлық командасы науқасты қарап, барынша көмек көрсетті.

Оның басы жарылған, көкірек қуысының ағзалары мен өкпелері зақымданған, бас сүйегі сынған. Жігіт жарақаттан кейін 3 дәрежелі шок алған.

Еске сала кетейік, қайғылы оқиға 13-қазанда болған еді. Саин көшесіндегі көпірден ер адам құлап кеткен еді . 

Полиция оқиғаның мән-жайын тексеруде.