Алматыда қоршаған ортаны қорғау саласында біліктілікті көтеру курстары өтеді
АЛМАТЫ. Наурыздың 25-сі. ҚазАқпарат /Нәзира Елеухан/ - Алматыда наурыздың 29-нан сәуір айының 2-не дейін қоршаған ортаны қорғау саласында Үкіметтік емес ұйымдардың өкілдері біліктілікті көтеру курстарынан тегін өте алады,
деп хабарлайды ҚазАқпарат.
Акцияны Ұлттық Орхус орталығының қолдауымен ҚР Қоршаған ортаны қорғау министрлігі ҮЕҰ-дар үшін Орхус конвенцияның аясында ұйымдастыруда.
Курс бағдарламасында экологиялық сараптама және ҚР Экологиялық кодексіндегі құқықты қолдану, табиғатты қолдануды реттеу мәселелері қаралатын болады.
