Алматыда ҚР ҚМ-нің бұрынғы Әскери клиникалық госпиталінің аумағында қойма өртенді

АСТАНА. 19 қараша. ҚазАқпарат - Алматы қаласының Медеу ауданында 19 қараша күні,

түнгі сағат екі жарым шамасында ҚР Қорғаныс министрлігінің бұрынғы Әскери клиникалық госпиталінің аумағында жұмыс істемей тұрған қойма ғимараты өртенді.

ҚР ТЖМ-нің баспасөз қызметінен хабарланғандай, өрт сағат 04.03-те сөндірілді. Тілсіз жауды ауыздықтауға Алматы қаласы бойынша ТЖД өртке қарсы қызметінің 32 адамы мен 9 техникасы жұмылдырылды. Жалын шарпыған аумақ 100 шаршы метрді құрады. Қаза болғандар мен зардап шеккендер жоқ.