Алматыда кранның құлауы: барлық кранды тексеретін жұмыс тобы құрылды
АЛМАТЫ. ҚазАқпарат - Алматы қаласы бойынша 238 мұнаралы кран бар, деп хабарлайды ҚазАқпарат тілшісі.
«Алматы қаласы бойынша 238 мұнаралы кран есепке қойылған, оның ішінде 219 мұнаралы кран құрылыс нысандарында орнатылған»,- деп хабарлады қалалық әкімдіктен.
Еске салайық, 23 қаңтар күні «Таугүл-1» шағынауданындағы құрылыс алаңында кран құлап, бір адам мерт болды.
Оқиға орнында қаза тапқан 49 жастағы краншыға қатысты қылмыстық іс қозғалды.
Сонымен қатар, барлық кранды тексеретін жұмыс тобы құрылды.
«Құрылыс алаңында қаза тапқан кран машинисі Б.С. Маиновтың өліміне қатысты жазатайым оқиғаны тергеу комиссиясы құрылды. Қазірге таңда комиссияның жұмысы жалғасуда»,- деп атап өтті әкімдіктегілер.
Мұнаралы кран - ауыр жүктерді қауіпті биіктікке көтеруге қабілетті қозғалмайтын кран.
Кран - ауыр салмақты жүктерді адамның биіктігі аз болғанда үлкен биікке көтеруге қабілетті машина.
Жобаның сипатына байланысты крандар бекітілген немесе жылжымалы болуы мүмкін. Бекітілген крандар, олардың атауы айтып тұрғандай, жобаны жүзеге асыру кезеңінде орнында қалады және басқа жерге ауысқанға дейін бөлшектелуі керек. Бекітілген крандардың кең тараған түрлеріне мұнара крандары және аспалы крандар жатады.
