Алматыда күніне 500 адамды қабылдайтын заманауи жаңа емхана ашылды
АЛМАТЫ. 1 сәуір. ҚазАқпарат - Бұл Алматыдағы 29-шы емхана болып отыр. Қала әкімі Ахметжан Есімов бүгін №24 қалалық емхананың ашылу рәсімінде осылай айтты.
«Күніне 500 адам қабылдайтын бұл емхана 37 мың тұрғыны бар шағынауданға арнап салынған. Оған жергілікті және республикалық бюджеттен 1 млрд. 100 млн. теңгеден астам қаржы бөлінді. Заман талабына сай қажетті барлық жабдықтармен қамтамасыз етілген. Ол қазіргі таңда шаһардағы ең үлкен емханалардың бірі болып отыр», - деді А.Есімов.
Қала басшысының айтуынша, мұнда 308 медициналық қызметкер жұмыс жасауда. Аудан тұрғындары барлық кәсіби медициналық қызмет түрлерін пайдаланатын болады.
