Алматыда құрылыс базарынан өрт шықты

АЛМАТЫ. ҚазАқпарат – Алматыда «Бақорда» сауда үйінде бутиктер өртенді, деп хабарлайды ҚазАқпарат тілшісі.

Алматы қаласының төтенше жағдайлар департаментінің мәліметінше сауда бутиктерінде 80 шаршы метр жер өртенді.

«Бүгін сағат 13:56-да Алатау ауданы, Ырысты көшесі, 46/2А мекен жайы бойынша құрылыс бөлшектерін сататын сауда бутиктерінде ауданы 80 шаршы метр өрт шықты. Ол 5 минуттың ішінде ауыздықталып, сағат 14:25-те толық сөндірілді. Зардап шеккендер жоқ. Қабылданған жедел шаралар өрттің «Бақорда» сауда үйіне таралуына жол бермеді»,- деп хабарлады қалалық ТЖД-да.

Болған өрттің видеосы желіде тарады.

Еске салсақ, бұған дейін Алматы маңында көлік жуу орталығы өртеніп, 2 адам реанимацияға түскен болатын.
Сондай-ақ, Алматыда жыл басынан бері тұрғын үй секторында 325 рет өрт шыққанын хабарлаған болатынбыз.