Алматыда «Мәдени мұра» бағдарламасы аясында 2006-2008 жылдары жарық көрген кітаптардың таныстырылымы өтеді

АЛМАТЫ. Ақпанның 17-сі. ҚазАқпарат /Ербол Азанбек/ - Ақпанның 24-інде М.Әуезов атындағы Әдебиет және өнер инстиутында «Мәдени мұра» мемлекеттік бағдарламасы аясында 2006-2008 жылдары бейнелеу өнері, музыка, театртану салалары бойынша жарық көрген іргелі еңбектер топтамасының тұсаукесері өтеді,

деп хабарлайды ҚазАқпарат М.Әуезов атындағы Әдебиет және өнер инстиутына сілтеме жасап.Таныстырылым рәсімінде «Қазақ музыкасы.Антология» 5 томдығы, «Қазақ өнерінің тарихы» қазақ-орыс тілдеріндегі 3 томдығы, А.Затаевичтің «Қазақтың 500 ән, күйі», театртану саласы бойынша «Театр туралы толғаныстар», «Қазақ опера өнері», «Сөз» 2 томдық еңбектері және тағы басқа, жалпы саны 27 кітап жұртшылық назарына ұсынылмақ.