Алматыда математика, физика және ақпараттану бойынша Х халықаралық Жәутіков олимпиадасы басталды
АЛМАТЫ. 13 қаңтар. ҚазАқпарат - Олимпиадаға әлемнің 17 елінен 57 команда, 390 білімпаз жеткіншек қатысуда. Бұл туралы бүгін математика, физика және ақпараттану бойынша оныншы мерейтойлық халықаралық Жәутіков олимпиадасының ашылуында ҚР білім және ғылым вице-министрі Есенғазы Иманалиев мәлім етті.
«Қазақстан бұл олимпиаданы өткізумен қатар, жастарды бәсекелестік ортада шын мәнінде лайықты болуға шақырады. Осы олимпиаданың жеңіимпаздары еліміздегі көшбасшы жоғары оқу орны - «Назарбаев Университетіне» түсу үшін гранттарға ие болады», - деп атап көрсетті Е.Иманалиев.
Оның айтуынша, Алматы оған 61 қатысушы ұсынып отыр. 18 қаңтарға дейін өтетін халықаралық олимпиаданы ҚР білім және ғылым министрлігі ұйымдастырып отыр.
